متصرقع ديناميت نشيط
عدد المساهمات : 800 تاريخ التسجيل : 30/10/2011 الموقع : الشرقية
| موضوع: عجوز قصمنجية الأربعاء نوفمبر 09, 2011 6:20 pm | |
| هذي عجوز مرسله لصديقتها عجوز ثانيه السلام عليكم ورحمة الله وبركاته وبعد
رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان
اخبارنا تسرتس. البقرة اضنت ، والبيض فقش ، والدجاجه الرقطا راجن ،وإن إدحيم العلي أعرس ، ونوّير
مخطوبة ، وعويش فطمناه ، وسويرة رفعناه من السقاط ، وصويلح شراله دنانة ، وسليم ختم المصحف ،
وإعزيز الصالح طاب من الطنان ، وسند ولد مضيوي بدا يحبي ، والحمد لله طاب الجحام الي بعينه ، وأنتي
صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ،
ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ،
والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والقتاله منقلعة ، و باب الروشن منكسر، والتسوله مسنيّه ، وبريتز الغرش الصغير منقشع ، والله يهديتس يأم دحيم.البزار الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا عين جدي شيبان كبري يترددون علي هالجصة قضوا على النعمة تقل دبا ، ونا ماودي أطول عليك الحتسي عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع هالبراد صايلات علي يالله حسن الخاتمة والعمل الصالح وسلمي وأنتي سالمة
اختتس : منيره السمهله | |
|
غمــ7ــزة ديناميت نشيط
عدد المساهمات : 1156 تاريخ التسجيل : 09/03/2011 العمر : 30 الموقع : الصالة قريب من التلفزيون
| موضوع: رد: عجوز قصمنجية الخميس نوفمبر 10, 2011 7:39 pm | |
| تعبت مافهمت شي ههههههههههههههههههههههههههههههه يسلمووووو | |
|
متصرقع ديناميت نشيط
عدد المساهمات : 800 تاريخ التسجيل : 30/10/2011 الموقع : الشرقية
| موضوع: رد: عجوز قصمنجية الأحد نوفمبر 13, 2011 3:28 pm | |
| | |
|
Al3soOola ديناميت نشيط
عدد المساهمات : 359 تاريخ التسجيل : 06/08/2011
| موضوع: رد: عجوز قصمنجية الإثنين نوفمبر 14, 2011 8:42 am | |
| هههههههههههههههههههههههههه يعطيك العافيه ع الموضوع الجميل بجمال ناقله..؛) | |
|
متصرقع ديناميت نشيط
عدد المساهمات : 800 تاريخ التسجيل : 30/10/2011 الموقع : الشرقية
| |
LOLO ديناميت نشيط
عدد المساهمات : 295 تاريخ التسجيل : 14/10/2011 الموقع : الرياض
| موضوع: رد: عجوز قصمنجية الأربعاء نوفمبر 23, 2011 11:20 pm | |
| ههههههههه ماقدر افهم الكلام يسلمووووووو يالغلا | |
|
متصرقع ديناميت نشيط
عدد المساهمات : 800 تاريخ التسجيل : 30/10/2011 الموقع : الشرقية
| موضوع: رد: عجوز قصمنجية الخميس نوفمبر 24, 2011 3:47 am | |
| | |
|