قصيدة الأمير نواف بن فيصل في والدته

وداع ... وخــيـــــرة الله خـــيــره
________


سـبــع وخمس سنين يـاهي مـريـره *

مابــين خسف صـــاب دنيــاي وكسوف

يــوم انطـفـت شمس الجــزيـره ظهيره

وعني رحل فيصل وجت عجة ظروف

صـارت حـيـاتـي لكـــل الآهـــــات ديــره

وكـنــت الحــزن كلـه تعـــابير وحـــروف

ودعــت ابـــوي ,ولا بــقــى قــلــب غـيـره

الا خـفــوق كنــت بـــه دوم محفوف

حضــن الامـــان اللــي وهبنــي ضميره

واللــي سقـــاني كــل طـــهر ومعــروف

واصــــدق شعـــور لفـــني في حريره

واحــن صــدر ضمني, واعذب وصوف

امــي , بكل اوصــــاف توصــف كبيره

ومن غيرهـا يقدر يبرد على الجوف

بــنــت السمـو اللـي زهت بــه مسيره

وام الجريـح اللـي من العمـر محـذوف

سـبـت فـجعـني والمنــايـا شـطـيـره

وحتوف , لا حـل القـدر طـاحت سيوف

سـبـت لحـق سـبـت وتــاهـت بصـيره

ورجعـت اون ,وعـود الوجـه مخـطـوف

اصيـح واشهـق والسعـيـره سـعـيـره

ويـارب صـبرنـي .... يا رب ملـهـوف

فقـــدتها يارب هـــدي الســريـره

ما ابـتـل ريـقـي, وينـهــا ؟ ويـا ظـمـا روف


كــن القـمـر مـن بـعـدها مـات طـيــره

وتوشـح ثـيـاب الـكـدر واقـبـل خـسـوف

عـزا ... وعـزتي صــفــوف كـثــيـره

ومـا فـيـهـم اللـي رد صـبـح لـمـكـفـوف !

مـا عـادت ديـار الســهـــاري مـنـيـره

ظــلـمـا هـنــا وهــنــاك , والـبـاقــي طــيـوف

وذكـــرى تـزلـزلـنـي , ودمـعـه غـزيـره

وطـفـل يـتـيـم هــده الـبـعـد والــخــوف

مــكـســور ولا تـنـفع بــكـسـره جــبـيـره

مـــقـهـور, مـا بــيــده ولا شـــئ , مــكـتـوف

لــبسـت ثــيـاب احــرام عـــمــره اخــيــره*

وصــار الــكـفــن فــي عـــرش رب الـــسـمــا يــطــوف

ربــــي يـتـقـبـل نــيـتـك يــالــفــقـيــره

وحـــنـا بـرجـوا خــــالق الــعــالـــم ضــعـــــوف

يـــمـــه : صــمـــت , ومـــوجـــعــات عـــســـيــره

وضــيــقــه ورا ضــيــقــه , وهـــم , وعــاصـــوف

يــــمــه : وداع وخــيــرة الله خـــيــره

وفــــي ذمــة اللـــي كـــلـنــا بــارضــه ضــــيـــوف

اقـــــــول وش أقـــول : راحــــــــت (مـنــيـــره)

يـــعــنـــي فـقـــدت الـــنـبــض والـسـمــع والــــشــوف

__________________________________



ختم القصيده بـــــــ

مشاعر ابنك الداعي لك بالرحمه طول العمر

نواف بن فيصل بن فهد بن عبدالعزيز



ايضاح لبعض الأبيات :


* 1- سبع وخمس سنين : منذ وفاة الأمير فيصل بن فهد من 12 عام رحمه الله.

* 2 - : كانت رحمها الله محرمه متجه للعمره لبيت الله الحرام قبل دخولها المستشفي اسكنها الله فسيح جناته.





الله يرحمها

الله يرحهاويغفرلها
والله ابيات تقطع القلب..
مشكوره خيتي ع الطرح..

يسلمووووو ع المرور الأكثر من يهبل

الييييييييييييييييمه
الله يرحمها يارب
كلمات تقدر بمآ الذهب
في انتظار جديد المميز ياقميله

يسمنوووو حشحايش

ولا تقولين قميله ليه شايفتني قمل هههههههههههههههههههههههههههههههههههه

ياحليلك ياصرصورة هههههههههه

أوكيه انتي الأقمل ^_^

هههههه أنا صرصوره يام اربعه واوبعين وربي لا تتسطرين اليوم طراخ طراخ طراخ لمن تقولين امين

الوعد في منتدى الدردشة ههههه