قصيدة رائعة بكلماتها واسلوبها
للمبدع : بدر بن تركي العتيبي
لو كل يوم بصوتك تفـك ريقـي
يسدني عن كـل مطعـوم الارزاق
ولو كل صبح بنور وجهك افيقـي
والله لاقضي العمر والصدر ماضاق
انت الوحيد اللي ينـور طريقـي
مثل القمر نوره على كل الآفـاق
ايـوالله انا احبـك وحبـي حقيقـي
صادق وفي من دون تزييف ونفـاق
ياعين حـر فـوق قمـة طويقـي
اشهد شهادة حق ترخص لك اعناق
الحر ما يشبـك بطبعـه طليقـي
الا ليـا بعتيـه للقـرب ماطـاق
يابـو جبيـن فيـه لمعـة بريقـي
كنه سرى من بين الامـزان بـراق
شبيت في بعـدك بقلبـي حريقـي
ماذقت عقبك غير علقم وغسـاق
ايه الغلا لـك لاتزيديـن ضيقـي
انتي الغلا واللي له القلب يشتـاق
جيتك وجرحي في فوادي عميقـي
داوي جروح القلب في ليلة اعنـاق
ابيك ليله فـي ضميـري تويقـي
وتشوف بعيونك وش اللي بالاعماق
واصير في صافي حنانـك غريقـي
في ليلة تجمع من الشـوق عشـاق
وأبل ريقك وانتـه اتبـل ريقـي
وتسدني عن كل مطعـوم الارزاق
اعذب تحياتي لكم
م/ن
موضوع: ايه الغلا لك لاتزيدين ضيقي! 
الخميس يوليو 28, 2011 6:02 am